Тәжірибе алмасу мақсатында өткізілген әдістемелік кеңес

15.04.2023 2023 жылдың 14 сәуір күні  "Тасты ауылының ЖОББМ" КММ-нің жоспарына сәйкес мұғалімдер арасында әдістемелік кеңес өткізілді. Қаралған мәселелер бойынша тоқтала кетсек: 📌 Информатика пәнінің мұғалімі Қозыбай А.А. АКТ бойынша атқарылып жатқан жұмыстар бойынша өз іс –тәжірибесін  таратты.Сабақта оқушылардың қызығушылығын арттыру мақсатында қолданып жүрген тиімді әдістерін көрсетті. 📌 Оқу ісі жөніндегі орынбасары Айбабина Б.Б физика,орыс тілі пәндерінің оқытылуы, жүргізілуі туралы есеп берді. 9-11 сынып оқушыларының ҰБТ - ке дайындықтары туралы айтылды. 📌 Мектебіміздің атынан аумақтық семинарға орыс тілі мұғалімдері Шерьязданова А.К. және Баттакова Г.Г., бастауыш пәнінің мұғалімі Молдабаева А.С, математика пәнінің мұғалімі Ерболат Бақытбек аудан көлемінде сабақ берген тарих пәнінің мұғалімі Боқанова Б.Б., республика көлемінде өткен семинарға қазақ тілі пәнінің мұғалімі Айдарбекова А.Б. әріптестерімен шығармашылық  шеберліктерін дамыту, оқу үдерісіндегі жаңа ақпараттық инновациялық технологияларды сабақта қолдану кезіндегі оқушының танымдық іс -әрекетін жетілдірудің  тиімді  тәсілдерін ұсынды және тиімді жолдарымен бөлісті. 📌 Ағылшын тілі пәнінің мұғалімі Жамц Хазираш "Lesson study" іс тәжірибесі тақырыбында білім алушыларға білім беру кезіндегі туындаған күрделі мәселер жөнінде проблемалық сұрақтар туындатып,сол туындаған мәселенің шешу жолдарын талқыға түсірді.Әр топ өз туындаған мәселесін қорғап ,туындаған мәселеге шешуін тапты.Алдағы уақытта Lesson study іс -тәжірибесі тарапынан туындаған мәселе жөнінде отырыстар өткізіліп,жұмыстар жасалынады. Әдістемелік отырыста   таратқан іс -тәжірибелері үшін педагогтар  тарапынан  жоғары баға берілді. Әріптестерімізге шығармашылық табыс тілейміз!!!