Құстар -біздің досымыз" тақырыбында өткен қызықты үзіліс

14.04.2023 Құстар – табиғаттың керемет тіршілік иелері. Құстар – біздің досымыз. Ағымдағы жылдың 1сәуірінде балаларға экологиялық тәрбие беру бағытында бастауыш сынып оқушылары арасында «Құстар – біздің досымыз» тақырыбында қызықты үзіліс өткізді. Мақсаты: Балаларды жергілікті жердің құстарымен таныстырып, оны күтіп-баптауға,аялауға,оларға мейірімділікпен қарауға тәрбиелеу. Құстар туралы білімдерін толықтыру, құстарға деген сүйіспеншілік сезімге, қамқорлық жасауға тәрбиелеу, сөздік қорларын молайту. Балаларды табиғат арқылы адамгершілікке тәрбиелеу және экологиялық білімдерін толық ұғымға жетілдіру. Түсіндірме жұмыстары барысында балалар жұмбақтарды шешу арқылы қандай құс екенін анықтап, олардың қандай дыбыс шығаратынын айтты. Құстарға не үшін қамқорлық жасау керектігін, оларға қандай көмек көрсету түрлерін атап берді. Құстар туралы мақал – мәтел, тақпақ, тыйым сөздер айтты. Дидактикалық ойындар ойнатылып, балаладың қызығушылықтарын аша түсті.Тәрбиеші дайындаған материалдардан балалар құстарға ұя жасап, оларға міндетті түрде қамқорлық жасау керектігін түсінді."Құстар -біздің досымыз" тақырыбында сурет көрмесі ұйымдастырылды. Оқушыларымыз құстарға арнап үйшіктер жасап әкелді.Алдағы уақытта бастауыш сынып оқушылары үйшіктерді ағаштарға ілу жұмыстарына қатысады Ұйымдастырушы ұстаздар: Смадьярова Ф.А. Аукирова А.Т. Байгужина К.Е #Құстаркүні #өзінөзібасқару #жасқыран