«Қайырымдылық жасасаң, қайырымын өзің көресің» деген екен дана халқымыз. Қайырымдылық – халқымыздың ең ізгі қасиеттерінің бірі. Сауабы мол іске ат салысу – әрбір адамның азаматтық парызы. Адам өміріндегі ең игі істердің бірі – мұқтаж жандарға қамқорлық жасау. Қамқорлықты қажет ететін жандарға қол ұшын беру арқылы адам баласы жақсылыққа қадам басады. Қайырымдылық жасауды қаржылай көмек көрсету ғана деп ұқпау керек. Сөзбен де, іспен де, басқа жолдармен де қайырымдылық жасау – борышымыз. Жақсылық жасау қолыңнан келіп тұрса, қуаныш сыйлауға мүмкіндігің жетіп тұрса неге қол ұшын созбасқа?! Осыған орай, "Тасты ауылының жалпы орта білім беретін мектебі" КММ -де мектеп тәлімгері Байгужина К.Е және әлеуметтік педагог Мусина Ж.Б. ұйымдастыруымен «Қайырымдылық — қайырлы іс» атты қайырымдылық жәрмеңкесі өткізілді.Ондағы мақсат мұқтаж жандарға қамқорлық жасау.Ұйымдастырушы комитет мұқтаж жандарға азық-түлік пен күнделікті тұрмыстық жағдайға қатысты тауарлар жеткізді.Алдағы уақытта қайырымдылық істер жалғасын таппақ.
Қайырымдылық жәрмеңкеге атсалысқан ата-аналар мен оқушыларға алғыс білдіреміз!